Hulhliap Short Stay Centre batch 5-na, Synod Revival Camping Centre, Neihbawia neih meka camp-a lut chhungte, sponsorship & Referral Services Task Group ruahmannain Dawrpui Multipurpose Centre-ah sawm khawm an ni.
Core Committee on Hulhliap SSC Chairman Malsawmzuala Ralte kaihhruai inkhawmah hian Zonunthari, Convener, Task Group on Sponsorship & Referral Services-in Hulhliap a sawi fiah a. Dr. Henry Zodinliana Pachuau, Professor, MZU & Member Task Group on Sponsorship & Referral Services, Vanlalchhanhimi, Counsellor, SSWRC, Moses Zofaka, MDUF, Member te’n thu an sawi.
Resource person-te hian Hulhliap Camp a lut mek te an lo chhuah huna an nu leh pa, chhungten an lo dawnsawn dan tur, hmangaihna nena lo kuangkuah a, an nih ang anga lo pawm thiam a tul thute, chhungkuaa hun hman ho, kohhran leh khawtlanga tah luh a pawimawh zia te an sawi.
Hei bakah inkawmhona, Hulhliap volunteer-te kaihhruainain hman a ni bawk.
Hulhliap SSC camping hi thawh 5-na neih mek a ni a, November 17-ah thawh 6-na luh tur a ni a, December thla erawh camp a awm lo vang. Ruahman dan chuan March, 2026 thleng kalpui tur a ni.