AZL: Mizo hmeichhe zinga Political Science subject-a professor hmasa ber ni turin Dr H Lalzuithangi a kaisang.
Higher & Technical Education Department-in Mizoram sorkar hnuaia college-a Associate Professor tanglai mi pakua chu Professor (Academic Pay Level – 14)-ah Thawhtanni khan an kaisanna order a ti chhuak a. Heng zingah Dr. H. Lalzuithangi, Department of Political Science, Govt. Hrangbana College-a mi chu Mizo hmeichhe zinga Political Science subject a Professor hmasa ber ni turin a kaisang tel.
Dr H Lalzuithangi hi media leh politics lam thiam bik a ni a. International leh National academic Journal hrang hrangah article eng emaw zat a ziak a ni.