Tripura atanga Mizorama gas pipeline phum hna thawh mekah Mizoram chhungah km 104 phum turah km 26 vel phum fel tawh.
Supply Minister B Lalchhanzova hovin North East Gas Grid (N.E.G.G.) hnuaia Tripura atanga Mizorama gas pipeline phum hna thawk mek leh thawh tawhte thlir letin Thawhlehni tlai khan an thukhawm.
Minister pisaa thutkhawmah hian gas pipeline hi Panisagar, Tripura atanga Sihhmui, Mizoram thlenga phum tur a nih thu sawi a ni a. Tripura huam chhungah hian km 15 phum tur niin, Mizoram chhungah km 104 phum tur a duan a ni a. Tunah hian Mizoram chhungah km 28 vel phum fel tawh niin, he hna hi tha taka zawh a nih theih nan leh a rang lama zawh a nih theih nan Mizoram sorkar chuan a theihtawp a chhuah a; Indradhanush Gas Grid Limited (IGGL) pawhin a rang thei ang bera zawh a nih theih nan hma a lak reng thu an sawi bawk.
B Lalchhanzova chuan IGGL hnena weekly report pe tura a dil anga chawlhkar tin report an pek thin avangin lawmthu a sawi a. Amaherawhchu, gas pipeline phum hna hi duh anga an thawh chak tawk loh thu sawiin, hei aia chak a hna hi thawh a nih theih nan an hotute lam pawh a dawr dawn tih a sawi.
Thutkhawmah hian FCS&CA hotute pawhin pipeline phum hna hi tun aia chak zawk leh rintlak zawka hma lak a nih theih nan a hmun a enpui turin an rel.
Thutkhawmah hian FCS&CA hotute bakah IGGL official-te an tel a ni.