AZL: Election Commission of India chuan section 126A of the Representation of People Act, 1951 tlawhchhanin India rama General Election leh By-Election neihna tur State pariatah opinion/exit poll lak a khap.
Election Commission of India chuan sub-section (1) of section 126A of the Representation of People Act, 1951 tlawhchhanin Ningani zing 7 atanga November ni 11, 2025 (Thawhlehni) tlai dar 6:30 thleng print leh electronic media leh a dangte kaltlanga exit poll lak leh result puanzar a khap.
Hetih rual hian, section 126 (1) (b) of Representation of People Act, 1951 tlawhchhanin inthlan zawhfel a nih hma darkar 48 chhungin opinion poll bakah inthlan kaihhnawih thil reng reng print media emaw, electronic media emaw kaltlanga mipuite hriat tura puanzar a khap bawk.