Meghan Markle chu a line lamah kan hmu leh dawn niin a lang a, hun hmasa lamah a professional lam chu a kalsan tawh niin sawi mah se, a fan te lawmna a thleng leh dawn si niin a lang.
November ni 5 khan Duchess of Sussex hian Pasadena, California-ah a film thar tur Close Personal Friends a siam lai hmuh a ni a, lo hmutu zinga thenkhat chuan a chanvo tur shooting a nei nia sawiin, amah pawh a hlimin, a sweet hle, niin a sawi.
Kum 44 mi film inlanna tur hi Amazon-MGM studio film siam tur niin, he film-ah hian Brie Larson, Lily Collins, Jack Quaid leh Henry Golding te nen an chang ho dawn a ni.
He film siam tur hi May 2018-a Harry nen an inneih hnua acting lama Meghan-i inlan lehna hmasa ber tur a ni a, an nupa hian lal chhungkaw zing atanga an inlakhran tawh avangin an chhungkuain California-ah an khawsa mek a, fa pahnih Prince Archie,6 leh Princess Lilibet,4 te an nei tawh bawk.