Katy Perry chuan a single album thar ber ‘Bandaids’ tih chu November ni 6 khan a tichhuak a, music video a rawn chhawm tel nghal thlap bawk.
A video leh a hla thu hrang hrangah hian kum 9 chhung zet a lo chenpui tawh Orlando Bloom nen an inkar puanna a nih rin theih ngeina tur a awm nual a, rinsual loh theih loh a ni ber zawk.
Music video hi Christian Breslauer chuan direct in, a video hrim hrim pawh a simple in, thil engkim hriatthiam theih ngeina tur a ni ber.
‘Firework’ singer hian Bloom nen an inkar zawng zawng chu a chhuikir a, hun tha tak leh nuam tak tak an hmante chu a hriatreng tawh tur thu mai bakah, an thlalak hrang hrang leh an fanu Daisy Dove te chu an inhmangaihna chhinchhiahna duhawm a chan reng tawh tur thu lam hawi a ni deuh ber a ni.
‘Bandaids’ hi September 2024 a a studio album parukna 143 a tihchhuah hnua a hla tihchhuah leh hmasa ber a ni bawk.
Tarlan fo tawh angin Orlando Bloom leh Katy Perry te hi hun rei fe an inzui hnuah February 2019 khan inhualin, chhungkua an din hnuah leh fa pakhat an neih hnuah an inthen fel a, Perry hi Canada prime minister hlui Justin Trudeau nen an in-date chho leh mek tawh a ni.