Dampa bial by-election-ah mipuiin tluang takin vote an thlak a. Hriat theih chinah chawhnu dar 3 thleng khan vote tla percentage chu 75.15% a ni.
Thawhlehnia Dampa bial by-election chu zing dar 7 atang khan boruak muanawm tak hnuaiah vote thlak tan a ni a. Hriat theih chinah tlai dar 3 thleng khan vote tla percentage chu 75.15% a ni.
The Zozam Times thudawn danin, Dampa bial chhunga polling station 41-ah te tluang taka mipuiin vote an thlakah ruahman lawk angin polling station 39-ah te chuan tlai dar li khan mipuiin vote an thlak fel thei a. Silsury I leh Marpara North polling station-ahte tlai dar 5:40 thleng khan vote an la thlak a ni.
Kum 20243 MLA inthlanpuiah khan Dampa bial-ah vote tla percentage chu 86.23 a ni a. Hei hi tun tum by-election neihah hian vote tla zat percentage a phak an beisei lo.
Dampa bial by-election-ah hian Dampa bial chhunga Polling station 41-ah inthlanna kalpui niin, Polling station 40 ah hian webcasting hmangin District Election Office atangin vil reng an ni a. Zopui Polling Station-ah erawh kawlphethain a thlun zawm loh avangin kalpui ve theih a ni lo a ni.
Tar lan tawh thin angin, Dampa bial-ah hian hmeichhia vote nei mi 10,185 leh mipa vote nei mi 10,605, a vaiin vote nei mi 20,790 an awm a ni.
Dampa bial by-election-a vote tlate hi November ni 14, 2025 khian chhiar tura ruahman a ni.