Thil dang zawng aiin Rinawmma a tlo ber! Mithiamte’n an zirchiannaah dawt (phuahchawp te thlengin) i sawi tlem poh leh taksa leh rilru hriselna in hma a sawn nghal ang tih a ni.
University of Notre Dame-a mithiamte sawi danin chawlhkar 10 chhunga dawt vawi 3 sawi thinte hian rilruhah leh tawt ut ut an nei tlem tih a ni a, taksa chungchangah chuan hrawk thip leh lu nâ an neih theihna ‘chance’ a tlem.
Zirchiannaah hian group hnihah then niin, group khata awm te chu dawt reng reng sawi lo tura hriattir an ni a, group dang erawh chu khuahkhirhna engmah awm lovin, an duh chuan dawt an sawi thei ang, tih a ni.
Chuta result lo chhuak ah chuan, dawt leh phuahchawp sawi ngai lote hriselna chu hmuh theih khawpin hma a sawn tih a ni tlat mai a. Rilru leh taksa lamah insawiselna tehchiam an nei lova, dawt sawi thinte chuan insawiselna neuh neuh an ngah hle.