Breach Candy Hospital, Mumbai a enkawl mek Dharmendra dinhmun chu a pangngai niin, a fapa Sunny Deol chuan a sawi.
Thawhlehni tuk khan Dharmendra hi a thi niin a thang chiam mai a, a nupui Hema Malini chuan a pasal, Dharmendra tan an zavaia an awm reng thu leh, a dam thuai theihna tura an chhungkua chuan engkim an inhuam reng thu a sawi hial.
An chhungkaw thuchhuah chuan thawhtanni tlai khan an pa chu hospital lama a la awm reng thu an sawi a, check-up ngai hrang hrang tih tur la awmin, a dinhmun dik tak pawh an hriat thar leh thuai theih an inbeisei thu an sawi bawk.
Hranglui lemchan thiam Hema Malini pawhin X lamah a pasal chanchin hi a vawikhat nana lo sawichhuakin, Dharam ji chu damdawi in lamah la awm mah se, a dinhmun a tha a, kan chanchin min ngaihvenpuitute zawng zawng chungah kan lawm a, a that chhoh thuai theih nana min tawngtaipui reng turin ka ngen che u a ni, a ti.
Damdawiin an luhtirh hian a fapa Sunny Deol chuan a pa test result hrang hrang chu a that thu leh ngaihtuahawm a nih loh thu lo sawi tawh mah se, damdawiin lam erawh chuan hahdam leh a taksa dinhmun fit deuh hun thleng awm rih thei se, enkawlna tha lehzual pek an inbeisei vanga la awm rih an nih thu a lo sawi tawh a; Dharmendra dinhmun ngaihven hian amah ngaisangtu tam tak damdawiin leh a chhehvelah hian an awm reng thin a ni.