Chuai thei lo Dolly Parton chuan rimawi khawvel atanga chawlh tumna a neih loh thu leh stage-a a zai laia thih a duh thu a sawi.
Kum 78-a upa hian khawvel eng a la hmu chhunzawm zel thei chu a lawm hle a, zai lama inhman hi a kham theih loh avangin chawlh mai mai a tum lo, a ti a ni.
“A tul hunah a lo thleng mai ang, tih hi tuna ka rilrua awm chu a ni. Tun thleng dam takin ka la zai thei zel. Kei aia talent nei tha leh thiam zawk tam tak an awm a, ka rin phak bak aia zaithiam hi an tam lutuk ringawt.
“An sawi fo ang khan, kan hna ah kan tui a ngai a, kan eizawnna kan hlut a pawimawh a, mahni inrintawkna kan neih reng hi a ngai. Chawlh tih lam hi chu vawitekhatmah ka la ngaihtuah ngai lo. Khawvel hun tawp ka hmannna pawh hi duhthusamah chuan stage (Dawhsanah) ni se, ka zai laiin thi tawp mai ila tih thlengin ka ngaihtuah a, ka beisei hle bawk,” a ti.
Hetih lai hian a pasalin a mamawh a nih erawh chuan zai lama kal fawr loh a tum. “Ka pasalin min mamawhin emaw chhungte’n min thlahlel ngawih ngawih a nih chuan ka dah hmasa ber thin ang. Zai hi tunhma atang tawh khan ka dah pawimawh hmasa ber thin a, amaherawhchu a chungah engemaw lo thleng ta se, a hnen ka kirleh vat ang,” tiin a sawi a ni.