AZL: MNF party chuan Dampa bial by-election tluang taka zawh a ni ta chu lawmawm an tih thu an sawi.
Nilainia an thuchhuahah MNF chuan an hotupa, Lalrintluanga Sailo, MLA-in a boralsan avanga Dampaah by election neih chu tluang taka neih zawh a ni ta chu lawmawm an tih thu an tar lang a. Pathian hruaina leh awmpuina dawnga party hrang hrang campaigner-te chetsual leh tawh sual tawk lova an tlingtla thei kha a lawmawm an tiin, inthlan buaipuitu official zawng zawngte inpekna leh thawhrimnaah lawmthu an sawi bawk.
An thu leh hla tha taka puan chhuahsak thintu thuthar lakhawmtute zawng zawng chungah lawmthu sawiin, Dampa bial mipui zawng zawngten an lo dawnsawnnaah te lawm thu an sawi.