Turkish C-130 sipai bungraw phur thlawhna, mi 20 vel phur chu Azerbaijan atanga a thlawh chhuah hnuah Georgia-ah Thawhlehni khan a tla a, thi leh hliam zat dinhmun erawh hriat a la ni lo.
Video darhah chuan Azerbaijan ramri bul lawkah thir tlang lian tak tak hnim zinga tla hmuh tur a awm a, fuselage chu a la kang a, van lamah meikhu dum tak a la chho bawk.
Social media-a video darhah chuan thlawhna hi leiah a bir zawnga thlawkin lei a thlen rualin a alh zui ta niin a lang a, a ni ngei em tih finfiah erawh a la ni lo.
Turkish President Tayyip Erdogan-a chuan Ankara-a thu a sawi lak lawh laiin ‘kan martarte’ a ui tih a sawi a. Hetianga thihna hi ram tana indonaa thi chauh ni lo, an hna an thawhna hmun danga thi sipaite pawh an sawi dan thin a ni.
Erdogan, a pisa leh ministry chuan chetsualna thlen chhan leh thi zat an la sawi lo va. Tual chhung chanchinbute chuan US siam thlawhnaah hian Turkish leh Azeri an chuang tih an tar lang a, a zat an sawi lo tho.
Erdogan-a nen an inbiak hnuah Azerbaijani President Ilham Aliyev-a chuan thlawhna tlaat ‘sipaite chungah chanchin duhawm lo a thleng’ tih a puang.
Turkish defence ministry chuan thawktute nen Turkish 20 an chuang niin a sawi a, mi dang chuang an awm em tih leh eng ram mi nge an nih engmah a puang tel lo.
Turkey leh Georgia chuan an inrina, phaizawl leh tlang awm pawlhna, thlawhna tlakna, Kakheti-a Sighnaghi thlen tumin hma an la mek tih an sawi.
Turkish Interior Minister Ali Yerlikaya chuan Georgian Iterior Minister Gela Geladze nen Turkish C-130 thlawhna tlakna hmun hi tlai dar 05:00 (India-a zan dar 07:30) velah thlengin zawn leh chhanchhuah hna thawh nghal a ni tih a sawi.
Georgia-a Interpress news agency chuan an ram interior ministry-in he thil thleng hi an chhui dawn tih an sawi niin a tar lang a. Turkey nena inkawmngeih, Azerbaijan chuan an rama Ganja khua atanga thlawk chhuak niin an sawi ve bawk.
Thlawhna siamtu, US firm Lockheed Martin chuan thil thleng pawh an tih thu an sawi a, C-130 Hercules hi ram hrang hrang air force-in an hmansak tam hle a ni.
C-130 Hercules hi bungrua, sipai leh hmanrua phur thei niin engine pali hmang a ni a, tlankawng phuahchawp takah pawh a tum mai thei zel a ni.