Australian model lar tak ni thin leh Victoria’s Secret supermodel hlui Miranda Kerr chuan a daihriat leh tawnhriat atangin mipate tana bialnu leh nupuite bula ‘romantic’ taka chet dan a sawi chhuak a, a fuh hle dawnin a lang.
Kum 42 mi hian thil lian tham leh ropui beisei lova, thil te tak te-ah pawh lungawina leh lawmna hi a awm tih hrechiang turin mipa te a fuih mawlh mawlh a, kawppuite mamawh hriat chat chat theih-na hi a hlu tih piah lam niin a sawi bawk.
Hmeichhiate laka tlatlum tur chuan nun hrisel tak, ‘caring’ nei tha leh hunbik nei lo pawha bialnu te tana ding reng thei turin mipate a sawm nawn leh. “Ka tawn hriat atang chuan taksa chetna ho te pawh hi thil ropui leh hriatreng tlakah a chhuak fo mai. Thingpui min lum sak ringawt te, ka ke an hmeh (malis) ah te pawh hian ka lawm em em a, ka hahdam sawng sawng thin.
“Mipate hian thil te tham te ah pawh hmeichhiate hi an lung-awi zung zung thin tih hi hre nawn leh se ka ti ngawih ngawih a, nitin-a hun an hmannaah hian tanpui vartu hnai tak an nihna hi an lantir theih phawt chuan hmeichhiate hian châng dang an kan thei tawh lova, an mahni-ah an bei nghet tlat tawh thin,” tiin Miranda hian a sawi.