Aizawl: Aizawl North III bialtu MLA, K. Sapdanga’n a bial mipuiten awlsam zawka amah an dawr theih nan Nilaini khan a bial chhung veng pahnihah ‘Meet the Public’ hun a hmang.
Home minister ni bawk hian Nilaini zing dar 7 atanga dar 11 thleng Edenthar YMA Hall-ah hun a hmang a. Chawhnu dar 1 atanga tlai dar 4 thleng Hunthar YMA Committee Room-ah hun a hmang leh a. Hetah hian mi mal leh pawl hrang hrangin an mamawh leh harsatna an thlen a. Mipui tana awlsam zawka dawr theih tura bialtu MLA-in hun a siam chu an lawm hle.
K. Sapdanga hian ‘Meet The Public’ hun hi a bial chhung veng hrang hrangah buatsaih chhunzawm zel turin ruahman a siam a ni.