Mit leh beng titlai turin Hilary Duff a rawn kir leh dawn a, hmun hrang hrangah tour nei turin thutlukna a siam ta.
Kum sawm chuang zet a thawm a reh hnuah kum 38 mi zaithiam leh lemchan thiam hian January 2026 atangin Small Rooms, Big Nerves mini tour a nei dawn tih a sawi chiang a, hmun hrang hranga live show nei turin a inpuahchah mek tih a sawi.
November ni 10 khan Duff chuan a IG lamah he a tour neih tum chungchang hi sawiin, show nei turin ka theihtawpin ka inbuatsaih mek a, London, Toronto, Brooklyn leh L.A lamte lo inring rawh u, a ti.
Lizzie McGuire alums’s tour hi January ni 19 atang hian London-a 02 Shepherd’s Bush Empire atanga tan tur a ni a, a Dignity tour a tihtawp atanga kum 17 hnuah tour a nei leh dawn tihna a ni. A tum dan chuan London bakah hian khawpui lian zual Toronto, New York City leh Los Angeles-ah te pawh he a tour hi neih a tum bawk.
Duff chuan a tour chu tawiawm a, kal theuh turin a IG kaltlangin a fans a sawm a, hla thar tha tak tak leh a hla lar ho sak a tum thu sawiin, a phur tawh tak zet tih a sawi bawk a ni.