Aizawl: Tualte khuaa JH Lalnunmawia’n buh tin 17 hmunah tin 3,600 a thar a. Chief Minister Lalduhoma hovin Inrinni khan an an lawm.
JH Lalnunmawia hian Tualte khuaa Artlang ramah buh tin 17 hmuna zauvah buh a ching a. |in 3,600 a thar chhuak a, phur 1,200 a ni. Mizo buh tehkhawng anga sawiin Mau tlawn zawn hnih leh silai zawn chhun fin anga tam nia sawi a ni.
JH Lalnunmawia buh chhun fin leh buh thar lawmna buatsaih chu Chief Minister Lalduhoma; Agriculture Minister PC Vanlalruata leh Deputy Speaker Lalfamkima ten an hmanpui a. Thusawiin Chief Minister chuan, hetiang hun hi tuna kal khawmte hian an la hmuh a rin loh thu leh an hmu leh pawhin a rin chiah tawh loh thu sawiin, “A tam em avangin Mizo buh tam lam chhiar danah pawh hming a nei tawh lo a. Chuvang chuan, he ni hi a hlu a ni,” a ti.
A tharchhuaktu JH Lalnunmawiate chhungkua lawmpuiin, mi dangte tana malsawmna thlen thintu an nihna Pathianin mal a sawm nia a hriat thu sawiin, mite tana malsawmna ni zui zel turin a ngen bawk.
Sorkarin kuthnathawktute a ngaipawimawh tih sawiin Lalduhoma chuan, sawhthing thartute iptea support price lut ringawt pawh hi a tam tham hle a. Hnathawktu, mi taimate tan kawl a eng mek a ni, a ti bawk.