AZL: Aizawl North III bialtu MLA K Sapdanga’n a bial mipui ten awlsam zawka an dawr theihna tura ‘Meet The Public’ a neih thin chu Inrinni khan a chhunzawm.
Inrinni zing dar 7 atanga chawhma dar 11 thleng khan bialtu MLA K Sapdanga hian Chanmari West YMA Zawlbuk-ah mipuite dawr theih turin hun a hmang a. Chhun dar 1 atanga chawhnu dar 4 thleng Chanmari YMA Hall ah hun a hmang leh bawk.
Home Minister ni bawk K. Sapdanga’n ‘Meet The Public’ tih hun a buatsaihah mi mal leh pawl hrang hrang ten an mamawh leh duh an thlen a. Mipui te tana awlsam zawka dawr theih tura bialtu MLA-in hun a siam hi a bial mipui ten lawmawm an ti hle.