Aizawl: MNF Thalaiin Samagra hnuaia hnathawkte hlawh chu ni sarih chhung sorkarin a hrensak niin an sawi a, a rang thei ang bera pe chhuak turin sorkar an phut.
Inrinni khan MNYF-in thuchhuah siamin, Mizoram sorkarin Regularisation of CSS Employees Scheme, 2024 hnuaia department hrang hranga CSS hnathawkte proposal a hnawlsak zel laia CSS thawk senior zawkte thlawh kan chung leh CSS Employees Regularisation Scheme dik lo taka a kalpui ta mai chu a tha lo an ti takzet thu an sawi.
Hemi chungchanga CSS hnathawkte ngenna leh thil phutte sorkarin a ngaih pawimawh loh avanga CSS hnathawkten mass casual leave laa lungawi lohna an lantir chu an thlawp tih sawiin MNF |halai chuan, hetih rual hian Mizoram sorkarin ‘No work no pay order’ pawh awm lova Samagra hnuaia thawkte ni sarih hlawh a hrensak chu a pawi an tiin, Mizoram sorkar chu a rang thei ang bera Samagra hnuaia thawkte hlawh a hrensak pe chhuak turin an phut a. A tul dan ang zelin hma an la dawn tih an sawi bawk.