Aizawl: Thenzawl Lothazawl-ah Artificial Football Turf phah a ni dawn.
Thenzawl Lothazawl-a artificial turf phah tur hian PMJVK scheme atangin Rs vbc 11.85 hmuh a ni tawh a, tunah hian thil tihfel ngaite tihfel thawkhat tawh niin tender chhuah thuai turin hma lak mek a ni.
Thenzawl Lothazawl-a artificial turf phah tur hi Inrinni zing khan Sports Minister Lalnghinglova Hmar-in a tlawh a. Thenzawl chu Mizoram khaw laili leh pan nuam, mipui thahnem tak pawh punkhawm theihna tur a nih thu a sawi a. Lothazawl-a artificial turf phah tur pawh inkhel pawimawh tak tak thleng thei ngei turin uluk tak leh a len zawngah pawh international match khelh theihna tling ngeia phah a nih tur thu a sawi.
Sorkarin Thenzawl mai bakah Serchhip district hmasawn nan theihtawp a chhuah tih sawiin NESIDS-OTRI atanga Serchhip-a Multipurpose Indoor Hall sakna tur DPR submit a nih tawh thu leh, hei pawh hi hmuh thuai beisei a nih thu a sawi bawk.