An hmelthatna, nu taka an inlan leh duhawmna hi zuam sual a awl viau dawn niin a lang a. Han chhaih emaw fiam zuk zuk chi an ni dawn lo reng reng.
Van boruak sanga eizawnna derthawng thawk thin, air hostess chhe lo tak takte chu chhan hrang hrang vanga buaina siam ching, passenger te a tul anga hmachhawn thei turin uluk taka kung fu zirtir mek an ni a, China thuneitute hmalakna hian rahtha a chhuah.
Chinese air hostess te hi nelawm viau angin lang bawk mah se, kuang lo nawrna ang chi-ah erawh an tawrhhlelhawm dawn hle niin a hriat .
Second reilote-ah an mahni hmachhawn tute ni khaw hre loa piai hlak dan an thiam deuh vek tawh nghe nghe a, an pui hle ang.
Air hostess te hian boruak-a an awm laiin, passenger zurui leh buaina siam chingte an hmachhawn fo thin a, chutih laiin, passenger duat bak an lo inzirtir ngai si lova, kung fu zirir an ni ta niin, an sawi.
Master Sifu Lu Heng chuan, “An tan a ni mai lova, passenger dangte him nan a pawimawh em em a, kung fu hi inhnaih poh leh a hmantlak ting mai bawk si a, thlawhtheihna angah hian a tangkai leh zual a ni,” a ti.