Aizawl: Jammu & Kashmir khawpui, Srinagar-a North Eastern Regional Power Committee (NERPC) meeting vawi 30-na neih zawh takah P&E Minister F Rodingliana chuan hmarchhak biala energy security a awm theih nan nasa zawka intelkhawm a tul thu a sawi.
Tun hnaia Taj Dal View Hotel-ah meeting neihah P&E Minister F Rodingliana chuan, hmarchhak biala state tin ten kawlphetha lama an intodelh a, hmarchhak biala energy security a awm theihnan Regional Power Committee Member-te nasa zawka intelkhawm a tul thu a sawi a. Tuikhuah tenau khuahna tur Central Subsidy Scheme for North East ruahman mekte rang taka sorkar laipuiin a tihchhuah theih nante, central ministry-in hmarchhaka hmasawnna hna thawhna tura an annual budget atanga zaa 10 an serh hran, zaa 10 chu Gross Budgetary Support a sum dahte hmarchhaka hmasawnna hnathawh nana a nihna ang taka hman zung zung anih theihnan hmalakpui turin a sawm.
Ministry of Power hnuaia din, NERPC-ah hian hmarchhak state pasarih an tel a. Meeting chuan March, 2026-a meeting chu Aizawlah nghah tura rel a ni a. Mizoramin a thlen tur hi a vawi khatna tur a ni.