Iranian foreign minister chuan Washington-in inbiak a nih theih nan dawr mek mah se Tehran chuan ‘intluk tlang leh dik taka inbe turin’ inpeih a la ni lo tih Pathianni khan a sawi a, kar hmasa khan US President Donald Trump-a’n inbiak a nih mai theih thu hi a sawi a ni.
Israel-in June thlaa Iran a beih hnu, US-in puia Iranian nuclear hmunpuite beih a nih atang khan inbiakna tawpsan a ni a, Tehran-in nuclear programme a neih chungchanga indawr chhunzawm tuma inbiak ni mah se a la hlawhtling thei lo.
US, an European thawhpui leh Israel chuan Tehran hian nuclear programme a neih chu ralthuam siam nan hman a tum niin an sawi a. Iran erawh chuan an thil kalpui dan hi engmah hlauhawm awm lo, mipui tana hman tur chauh a ni tih an sawi ve thung.
Tehran leh Washington hi ni 12 chhung indo hma khan vawi nga an inbe hman a; mahse, uranium an chhek an tihchak danah inrem lohna an nei a, an mutan ber pawh a ni a, US hian Iran chu a bak kal tawh lo turin an duh a ni.
“US hian indona hi inbiakna hmangin a thleng thei lo va, chutiang chu a lo beisei thei lo vang,” tiin Abbas Araqchi-a chuan Pathianni khan Tehran-ah a sawi a, an hmalak an chu ‘khawvel dan palzutna’ niin a sawi bawk.
“Iran chu mi dangte nena indawr turin a inbuatsaih reng dawn a; mahse, chutiang indawrna chu sawi ang ngawt a ni lo,” a ti.
Iranian Deputy Foreign Minister Saeed Khatibzadeh-a pawhin Washington hi indo laia a thil tum tihhlawhtlina intar lan nan ‘indawr a sawi ve mai’ niin a puh bawk.