Justin Trudeau leh Katy Perry te inzuina leh inkungkaihna nghet awm chho zel chu khuanu ruat nia a lan thu an inkar hre tak pakhat chuan a sawi.
Pop star leh prime minister hluite pahnih chungchang hi July thla khan a thang tan a, hei hi Perry leh Bloom te inthen fel hlim hlawl lai a ni.
Anmahni hrechiangtu tak pakhatin a sawi danin anmahni line lama buai dun tak an nih avangin inhmuh thuai thuai an chak thei hle a, Justin phei hi chuan Katy hmuh nghakhlelin hun awl a insiam thuai thuai thin niin a sawi.
Kum 41 mi zaithiam leh kum 53 mi Trudeau te hi a vawikhat nan October ni 25 khan vantlang hriatah an inzuichhuak hmuh an ni a, vawiin thlengin an la hlim dun hle nia sawi an ni.
Tam tak chuan Perry hi a kawppui then hlim hlawl laia kawppui dang a nei leh nghal chu an sawisel nasa hle a, mah se anmahni hrechiangtu tak sawi dan chuan mal taka a awm lai taka Trudeau lo lang chu Katy Perry tan chuan malsawmna leh a tana a inpekna leh a inhuamnate chu hmangaih loh har tak niin a sawi.
October ni 30 khan Prague-a Lifetimes Tour show a neihnaah Perry hi mipui zinga awm fan pakhat chuan kawppui a neih leh neih loh hriat nan a zungbun en a dil a, hetah hian Bloom nen an inkungkaih tawh lohzia lantirin, eng zungbun mah a bun tawh lo a ni.