Nilaini zan dar 7:30 vel khan Bawngkawn Shalom veng Presbyetrian Kohhran biak inah kangmei a chhuak a. Pawi nasa lehzual a thlen hmain kangmei chhuak hi thelhmih hman niin, mihring thu leh hliam an awm lo.
Kangmei chhuah chhan hi eirawngbawlna gas leak vang nia hriat a ni a. Biak in hnuaia chawkidar quarters atanga chhuak tan a ni.
Kangmei a chhuah hian Nilai zan inkhawm ho pawh biak in atangin an chhuak a. In kang thelh tur hian a bulhnaia awm leh kohhran mite tlankhawm nghalin, a theih ang angin bungruate seng hawi nghal a ni. Mei hi thelh mih mai theih a nih loh avangin kangthelhtu, Fire Brigade pun niin, mei sipaiten rang taka kang thelh hna thawkin, pawi nasa lehzual a thlen hmain kangmei hi an thelhmit hman a. Mihring thi leh hliam an awm lo va. Kangmei chhuakah hian kohhran kudam a kan tel avangin chawkidar-te bungrua bakah kohhran bungrua eng emaw zat a kang chhe hman a ni.
Disaster Mangement and Rehabilitation Minister Prof Lalnilawma chuan Ningani zing lam khan kangmei chhuahna hmun a tlawh a. Kangmeiin bungrua a kan chhiat dante chu kohhran leh khawtlang hruaitute nen enho a. A tul tula hman atan tanpuina Rs 5,000 a hlan nghal bawk.
Minister hi Aizawl DC C Lalhriatpuia leh Aizawl District Disaster Management Authority hotuten an tawiawm a ni.