- Amitabh Bachchan
Thutthleng (chair) pakhatah chiah a thu thiam lova, film a channaah a ni emaw In chhungah pawh ni se chair 2-3 tal hun ngei ngei a ngai. In-ah hian tu pawhin chanchinbu chhiar se, chanchinbu chung lamah an hming an sign ngei ngei turin dan khauh tak a siam bawk a, tuin nge chhiar tih a hriat duh vang a ni pakhat. A fapa Abishek leh a nupui Aishwarya te hi an chhuak a nih chuan sana pahnih a bun nghal chat thin a, an hun hman dan hriat a duh vang a ni ber.
- Aamir Khan
A taksa leh pian a vawng fel em em reng a. A taksa lan dan leh rih dan, Bod Mass Index (BMI) a enfiah hma sa lovin tukthuan a ei ngai lo. Film a channa nena a lan dan inmil turin a fimkhurin, a uluk em em thin.
- Preity Zinta
Thianghlimna leh faina ngaina tak a nih avangin a zinna reng rengah hian a thlenna hmuna toilet a enfiah hmasa phawt thin a, a duhthu a sam loh chuan a invawmlut duh ngai lo. Bathroom rimtui takin a vawng thin a, mawmbati han chhit kual te hi nuam a ti thei hle a, a bual In hi a tle vang mai thin a ni.
- Kareena Kapoor
Pawn a chhuah dawn reng rengin darthlalang hmaah a nui hmasa phawt zel a, khawvelin a nuih huna an hmuh dan tur mawlh mai hi a lungkham ber a ni thin.
- Ranbir Kapoor
Kawnga a tlan laia mail van sen a hmuh chuan rang takin a duhthusam a chham chhuak vat thin a, car dum pathum a hmuh hma chu a tawng chhuak ngai tawh lo. Mi tu emawin bia pawh ni se, a chhang ngai lova, a muhil der tlat zel.
- Deepika Padukone
In chhung chet a zei em em a, thil a dahna tur leh awmna hmun tura a awm lohin a sa nghal vek thin. Thianghlimna leh faina a ngaihpawimawh em avangin a thiante In tihfai kawngah pawh a bengvar thei hle, a che vut vut zel. A In chhungah hian engkim mai hi an awmna tur dik takah an awm thlap a ni ber.
- Ayushmann Khurrana
In a chhuahsan tawh chuan toothbrush leh toothpaste a keng tel ngei ngei a, nikhatah Ha vawi 3-4 a nawt thin. Nikhat thil thu-ah hian kut vawi tam a sil hman thin bawk. Ka chhung hrisel leh ‘fresh’ a ngaihpawimawh dan hi mak tih a hlawh.