AZL: Inrinni zing dar 7 khan Hunthar Veng Bazar chu C. Dakliana, President MUP Hunthar Unit-in a hawng.
Bialtu MLA K. Sapdanga hmalaknain Hunthar Veng Bazar hi horticulture building-ah siam a ni a, thlai thar leh thei bakah chhungkaw mamawh zawrh a ni a, seat 40 awm thei tura ruahhman a ni.
Veng mipuite mamawh siam a nih theih nan hian bialtu MLA leh Horticulture Minister C. Lalsawivunga ten hma an la a, Hunthar Market Management Committee chuan lawmthu a sawi.
Bazar hmunhma chei that nan hian MLA fund Rs. 1,584,870 hman a ni a, thawmthat ngai leh cheithat ngai lai te khawih chhunzawm zel a la ni bawk.