Aizawl: December 3-a LADC inthlanpui neih turah, Lawngtlai District MPF chuan model code of conduct bawhchhia political party-te chu dan anga hrem an nih theih nan thuneitute an thlen dawn.
MPF hruaitute chu Inrinni khan MNF, ZPM, INC leh BJP party pisa-ah an leng a. Inthlanna thianghlim leh felfai a awm theih nan thawhpuiah a sawm a. Political party-te hian thawhhopui an tum thu an lo hrilh hlawm.
MPF chuan candidate-te chu vote lei lo tur leh therhlo hmanga vote zawng lo turin an chah a, an tihhlawhtlin theih loh tur manifesto nei lo turin a chah bakah, model code of conduct a duan chu bawhchhia an awm tih an hriat chuan, dan anga hrem an nih theih nan thuneitute hnena an thlen tur thu an hrilh a ni.