Zirtawpnia Niger State-a Catholic sikul atanga mi sualten zirlai naupang 315 an ruk bo zinga 50 chu an tlan chhuak.
Christian Association of Nigeria chuan an chhungte nen an inhmu leh tawh niin a sawi a. Mi dang 265 leh zirtirtu 12 chu sipaiten zawn leh chhanchhuah hna an thawk mek bawk.
Pope Leo XIV chuan ruk bote chhuah tura ngenin ‘lungchhiatthlak’ tia sawiin thuneitute chu tha taka hma la turin an ngen.
Nigerian state eng emaw zata thuneitute chu Niger leh Thawhtannia Kebbi state-a sikul naupang 20 ruk bo an nih hnuah chawl rih turin an ti hlawm a. Katsina, Yobe leh Kwara state-ah pawh chawlh thupek puan a ni.
Zirlai tlan chhuakte chungchangah Kristian pawlte chuan Zirtawpni leh Inrinnia tlan chhuak an ni a, a huaisen thlakin a hlauhawm hle tih a sawi.
Zirlai leh zirtirtute hi St Mary’s School, Papiri, Niger state-ah niin a tirah zirlai 303 leh zirtirtu 12 tia puan a ni a. Kum 2014- Chibok-a zirlai 276 ruk kha a zatah a khum.
Police chuan silai nen St Mary’s hi Zirtawpni zing dar 02:00 (India-a zing dar 07:30) velah luhchilhin an hruai chhuak.
Niger state Governor Mohammed Umaru Bongo chuan Inrinni khan an state-a sikulte khar vek tura ti nghalin ‘tumah indemna hun a ni lo’ tih a sawi.
Sipai, police leh tual chhung miten an bul hnai ramngaw leh kawg ruk, mi sualten an zawh thinte chu an chhui zui nasa.
Niger state thuneitute chuan St Mary’s School hi inruk bona a tam avanga boarding sikul zawng zawng inkhar rih tura an tih an zawm lo niin an sawi a, sikul hi chuan engmah an la sawi lo.
Tual chhung miten bandit tia an sawi, mi sual pawlte hian Nigeria hmun hrang hrangah tlanna sum phutin mi ruk bo hi an ching hle a. Tlanna inpek hi khap ni mah se awmzia a awm vak lo.
Thawhtanni kal ta khan Kebbi state-ah hmeichhe sikul naupang 20 ruk bo an ni tawh bawk a, heng naupangte hi Muslim nia hriat an ni.
Thuneitute chuan secondary sikul leh college khar vek turin thupek a chhuah.
Chhim lama Kwara state-ah bial in beih a ni bawk a, mi pahnih thiin mi 38 ruk bo an ni bawk.
Nigerian President Bola Tinubu-a chuan kartawpa South Africa-a G20 summit-a a tel hun tur pawh a lo sawn hla tawh.