AZL: MNF Sr. Vice President Dr R Lalthangliana, MLA chuan Lai Autonomous District Council (LADC) inthlanpuiah an tlin ngei a beisei thu a sawi.
Thawhtanni khan Dr R Lalthangliana, Hnahthiala MNF Hnam Run a tlawh hnuah, Sangau-ah MNF hruaitute nen an inkawm a. An inkawmnaah thu sawiin, LADC-a bial 25 awmah, MNF chu an thawhpuite nen sorkar lai mek an nih angin, Pathian zarah tun inthlanah pawh an tlin ngei a beisei thu a sawi.
Dr R Lalthangliana chuan MNF hi chu party naran an ni ve lo va, Mizo hnam martar-te thisenin a hrin, Mizo hnam party an ni tih sawiin, “Mizo hnamin zalenna sual laia kan hotu pawimawh ber berte zinga mi Pu Zoramthanga leh Pu Tawnluia te uap-na hnuaiah kan la kal zel hi kan vannei a, a thlamuanthlakin, MNF hmalam hun hi a eng hle a ni. MNF chu Pathian leh kan ram tan titu kan ni a, kan ram aiin Pathian kan dah hmasa zawk tur a ni. Kan rilru hrisel se, Lalpa kan tih tlat chuan hmalam kan pan zel dawn a ni,” a ti.