Aizawl: BJP Mizoram Vice President JB Rualchhinga chuan, an mamawhte pe theitu lam an hnawl thin chu pawi a tih thu a sawi.
Nimina BJP Mizoram pisa, Mipui Run-a party chhung inkhawmah thusawiin JB Rualchhinga chuan, Dampa bial by-election-ah union minister-ten rawn campaign puiin, mipuiin mamawh an thlente an ngaihthlaksak bakah, an thil dikte tihhlawhtlin a nihna tur chuan BJP candidate an thlan tlin ve thung a ngaih thu a hrilh a. Mahse, an mamawh pe theitu aiin, opposition MLA ni tur bawk an thleng tling thung tih a sawi.
BJP Mizoram Vice President chuan, an mamawhte pe theitu lam an hnawl thin chu pawi a tih thu sawiin, “Union minister-te hnena kan dilah kan chiang lo zawk a ang hle a, kan mamawh kan tihte pawh hi kan lo mamawh tak tak lo a ni. Vawiina kan puarna tur chauh ngaihtuahin vote kan thlak leh mai thin a ni. Nakina kan la mamawh tur tho kan hnawl thin hi a pawi hle a ni,” tiin, Mizo mipuite hian an inhriat chian a ngai tawh hle tih a sawi.