U.S. President hlui Barack Obama (64) chuan a naupan laia sikul a kalnaah a beng hlai (lian) tha lutuk leh a hming mak tak avang hian chhaihnawmnahna leh inhmuhsitna (bullying) a tawk nasa hle na a, nuih liam a tum thin laiin, a ngai thutak hle a ti.
En liam mai lo tur leh dawhtheihna lantirna chi a ni lo tih uar takin a sawi bawk.
U.S. rampumah zirlai maktaduai 13 chuang an awm mek a, hmun thuma thena hmun khatte hian kumtin he harsatna khirh tak hi an tawk thin.
Bullying vang hian zirlaite’n lehkhazirnaah an tihchhiat phah a, zu leh ruihhloa tlan duhna a thlen bakah, rilru leh taksaah insawiselna neuh neuh an neih tam phah hle tih a ni bawk.
‘A Promised Land’ lehkhabu (Copy Maktaduai 3 chuang hralh tawh) Obama chuan, “Bullying hi thil pawi thlen thei ni lo leh liam ve nghal duaka ngaihna hi thil dik lo a ni a, thlirna felhlel tak pawh a ni.
“Inchhaihnawmnahna leh inhmuhsitna thleng thin hian kan thalaite nasa takin a tichhe mek a, engtikawng zawng maha pawm theih a ni lo,” tiin zirlaite leh nu leh pa pungkhawm hmaah a sawi.
Obama hian Zirna In chu naupang ina thlamuang tak leh ngaihngam taka an khawsakna hmun leh thiamna an zirna hmun a nih theih nan a duh hle.