AZL: Mizoram People Forum (MPF) Governing Board meeting neihah president thar atan Rev John Raldosanga thlan a ni.
Thawhlehni zing dar 7 khan Synod Committee Room No.1 ah MPF Governing Board meeting neih a ni a, President Rev RC Lalnghakliana’n a kaihruai a. General Secretary Rev Lalramliana’n hmalakna report a pe a, Finance Secretary Vanlalthanga chuan sum dinhmun report a pe bawk.
Meeting-ah hian kum 2025-2026 chhunga MPF President atan Rev John Raldosanga, Mizoram Presbyterian Church (MPC) chu thlan a ni a. Kum 2026-27 chhunga MPF General Headquarters budget atan Rs.14,18,000 ruahman a ni bawk.
Kumin chhunga MPF Office khar hun atan December 22,2025 leh kum thara Office hawn hun atan January 8, 2026 an ruat a. MPF Annual General meeting hi December 18, 2025 ah Vanapa Hall ah neih turin an ruahman a ni.
Meeting-ah hian tun hnaia Dampa bial bye-election neih a MPF hmalaknate an thlirlet bawk a ni.