Sir Paul McCartney-a’n The Beatles member kim khan rilru lama harsatna namen lo nei vek mah se, lar vang laia sawichhuah emaw titi ho kha an hreh hlawm hle niin a sawi.
Beatles bassist McCartney chuan a bandmate- Ringo Starr leh boral ta John Lennon leh George Harrison te khan an harsatna leh buainate kha fiamthu hmangin thup bo an tum lui thin, a ti.
Rilru lam harsatna chungchanga an zawhna pakhat chu, “A dik. A nih ngei pawh ka ring. Hla hmang khan kan puangchhuak a ni deuh mai. John Lennon-a’n ‘Min pui rawh u, min puitu ka mamawh’ tih te kha a ziakchhuak a, kei lah pek chuan, ‘A tha a lawm, hla mai a ni si a’ ka ti then a, a nihna takah chuan tanpuitu mamawh vanga mangang au aw a ni thung,” tiin a sawi.
“Kan kehdarh hnu lawk khan keimahah hetiang tho hian a lo thleng a, kan hlim tur ang khan kan hlim lo vek mai a ni. Ringo hi Zu vangin a talbuai a, tunah erawh harh fim tak a ni tawh. Mahse, a hun lai kha chuan harsatna tam tak a awm a, chin fel kan tum ve nasa thin. Kan sawi chhuak lo mai pawh a, rilru lama harsatna kan nei,” a ti.
Lar vanga talbuai leh lar zo lo tam tak karah The Beatles band hian larna hi an khukpui hluai lova, an insiamrem thiam viau. Hemi chungchangah hian McCartney-a’n larna hi thil hlimawm pakhat ni maiah ngaiin, chuti teh vakin an la serious hluai lova, larna hmachhawn kawngah an insiam rem thiam hle, a ti thung.