Aizawl: ZPM chuan Chief Minister Lalduhoma kaihhruai sorkarah kuthnathawktute thawhchhuah a pung nasa hle niin an sawi.
Nilainia an thuchhuahah ZPM chuan, chief minister Lalduhoma kaihhruai sorkarin mipui hnena a intiamna hlenin, sawhthing rate chhiat ber kumah sawhthing chingtute Rs. 50/Kg in a leisak a, hemi avang hian Sawhthing chingtu ten Rs. nuai 13,500 an tel thei a. Dan leh thupek kengkawh that avangin kuhva chinguten sum tam tak an la lut a. Tun dinhmunah Hachhek bial kuhva chingtute chuan Rs. nuai 5,000 chuang an lalut tawh a, an lakluh hi a la pun zel a rinawm, an ti.
Heng hian a entir chu Mizoramah sorkar tha leh chak, mipui tana ding sorkar, dan leh thupek kengkawh sorkar mumal a lo piang ta, tih hi a ni. ZPM kaihhruai sorkar hnuaiah kuthnathawktute an hlim a, an phur a, an zalen a; a thawkrim apiangte an ding chhuak ta tih an sawi bawk.