Mizoram State Agri, Horti, Forestry and Marketing Cooperative Federation Ltd (MAHFED Ltd) leh Bharatiya Beej Sahakari Samiti Ltd (BBSSL) te’n thawhhona thuthlung an ziak.
MINECO-a Cooperation Minister pisa-ah MAHFED aiawhin H. Vanhlupuia, Managing Director MAHFED Ltd. leh BBSSL aiawhin DR. Omveer Singh, Adviser BBSSL te’n thawhhona thuthlung an ziahah hming an ziakhnan a ni.
Thawhhona thuthlung hi Registrar of Cooperative Societies John LT Sanga kaihhruaina hnuaiah, Cooperation Department changtu Minister PC Vanlalruata hriatpuinain ziah a ni.
BBSSL hi India ram pumpui a thlai chi buaipuia ram pawn thlenga thawn chhuak thin an niin, National Cooperative Society an ni a, an ni hian thlai chi tha supply turin Cooperation department kaltlangin Nodal Agency a thlan an nih angin, MAHFED te nen hian an thawkho dawn a ni.
He hunah hian Agriculture Department Secretary Ramdinliani leh Horticulture Department Secy Maria CT Zuali te bakah, Agriculture leh, Horticulture Department hotute leh Cooperation Department, Chairman MAHFED Ltd, Vice Chairman MAHFED Ltd, Manager MAHFED Ltd te leh official dangte an tel a ni.