Aizawl: MNF Treasurer Lalruatkima chuan Ningani khan Lungtian, Rawlbuk, Bualpui NG, Siachangkawn leh Lungzarhtumah-te tlawhin, MNF party hruaitute nen an inkawmnaah ZPM party chu Dampa bial-ah an in-set hlum tawh a, LADC-ah an in-set hlum leh tih a sawi.
Lalruatkima chuan, “ZPM party hi Dampa by election-ah an in set hlum tawh a, LADC-ah an inset hlum leh a ni. Lawngtlai bialtu ZPM MLA duh loh danin candidate set a ni a, Adviser to CM atang pawhin ban a tum phah hial a ni. Bial tin deuh thawah an in set hlum a, ZPM bial tin deuh thawah an in indinthuah a ni. LADC area-ah ZPM atangin an bang chhum chhum a, ZPM bansan chu a trending hle a ni,” a ti.
MNF Treasurer chuan, ZPM party-ten Dampa biala an zawrh angin hna te, therhlo hrang hrang an zawrh leh mek chu awihsak lo tura chahin, “A hmu tur hresain resticted tender hmangin an duh zawng hna an pe fel vek tawh,” a ti a. “ZPM hian AR Biak In neih sak an tum a, an hlawhchham a, tunah chuan induhsak bikna hmanga an sum tuakin party office tur an lei fel tawh. ZPM party leh an mite an thau tulh tulh a, mipuite erawh chu kan cher tual tual thung a ni,” a ti bawk.