Aizawl: Bharat Scout & Guides hmalaknaa a thawh that avangin Chief Minister Lalduhoma hnenah Bharat Scout & Guides chawimawina sang ber, Silver Elephant Award hlan a ni.
President Droupadi Murmu hova Uttar Pradesh khawpui, Lucknow-ah Zirtawpni khan Bharat Scout & Guides kum 60-na lawmna leh 19th National Jamboree hman a ni a. Inkhawmah hian chief minister Lalduhoma pawh telin, Bharat Scout & Guides chawimawina sang ber Silver Elephant Award hlan a ni.
Chawimawina lehkhaa a inziak danin, chief minister Lalduhoma chu Bharat Scout & Guides hmalaknaa a thawh that chungchuan avanga (Most Exceptional Service) he chawimawina hi hlan a ni.
Chief minister chuan Mizoram mipui, khua leh tui tha, ram leh khawtlang tana inpe zo em em, midangte nena thawhho thiam, mahni inphata midangte tanpui tura inpeih reng thinte vangin he chawimawina hi an pe nia a hriat thu a sawi a. A mi mal hlawhtlinnaah a ngai lo va, Mizoram mipuite hlawh chhuah zawk a nih thu a sawi a. Mizorama Bharat Scout & Guides hotute leh Sports & Youth Services department te thawhrimnaah lawmthu a sawi.
Bharat Scout & Guides chawimawina sang hi Mizo pasarihin an lo dawng tawh nia hriat a ni.