Aizawl: Sairang leh Vairengte kawng chhia siam mek hnathawh dan en turin Central YMA chu December thla tirah an che chhuak leh dawn tih Central YMA President R Lalngheta’n a sawi.
Aibawk Branch YMA-in Zirtawpnia Golden Jubilee (1975 – 2025) an lawmna a hmanpuinaah he thu hi Central YMA President R. Lalngheta’n a sawi a. “Sairang leh Vairengte kawng chhiatzia kan hria a, contractor te nen inlungrual takin kan enho a, tunah chuan contractor te pawhin nasa takin hna an thawk niin kan hria a. December thla tirah an hnathawh en turin CYMA kan che chhuak leh dawn a ni,” a ti.
Central YMA President chuan YMA in kumpui a neih thinte a hlawhtlinzia thu te, ruihhlo ngai mi tam tak chhanchhuah an nih tawh thu te, eizawnna neilo ten lei rem an rah theihnan a hma lakna a hlawh tlin thu leh Mizoram a danlo a awmte zawn chhuahna kawngah YMA te an thawh nasat thu a sawi a. YMA kumpuan ‘Ruihhlo Do’ chu an hawn atang chuan nasa leh zuala ruihhlo do turin kal khawmte a sawm.
R Lalngheta chuan Mizo mipuite chu an hnam ngaihtuah a, mahni pumpui hma ngai lov in, ram vei tlang turin kal khawm te a chah bawk.