Aizawl: Intas Foundation leh Hemophilia Society, Aizawl Chapter chuan Hemophilia natna neite tan damdawi (Factor – VIII) chu damlote hnenah Thawhtanni khan Conference Centre, Civil Hospital, Aizawl-ah an sem.
Hemophilia damdawi an sem hi mi pakhat hnenah Rs 8,000 man hu zel semin, bur 40 an sem a, he natna nei mi 31 hnenah an sem a ni. Damdawi hian hliama thi chhuak a khang theihna kawngah he natna vei te hi a pui thei a ni.
Damdawi sem zawh hnu hian Dr. Lalawmpuii, Senior Consultant, Pathology Dept. Civil Hospital, Aizawl-in Hemophilia natna nei leh an chhungte tan Genetic Counseling a neihpui nghal a. Lalrinmawia, President, Hemophilia Society, Aizawl Chapter-in inkhawm hi a kaihruai.
Hemophilia natna hi taksaa pem hlek a awma thi khar hlei thei lo a ni a. He natna hi inthlahchhawnna atanga neih niin, tih dam theih a ni lo. Factor VIII leh IX te-in then a ni a, a damdawi hi a vang hle a, hemi hmang hian taksaa pem a awmin enkawl a ni.
He natna nei hi Mizoramah 31 an awm mek.