Cristiano Ronaldo chu MMA huangah a zuang lut a, Way of Warrior FC (WOW FC)-in an company-ah chanpual neiin a zawm thar tih an puang.
Al-Nassr forward Ronaldo chuan MMA chu a ngaihhlut thu sawiin, “MMA hian ka thil duh leh ngaihsan zawng zawng a fawm kim a tih theih a. He infiamnaah hian mahni inthununna te, zahawmna te, beidawng loa tih hram hramna te leh that famkim tumna te a awm tel vek a, ngaihsan loh theih a ni lo,” a ti.
WOW FC an din tirh atangin taimakna leh thawhrimna te, inpekna te, huaisen taka chona hmachhawn te leh hma sawn belh zel duhna te an dah lian em em a. Hetiang thil hi Ronaldo innghahna pawimawh em em mai a ni hlawm a, anmahni pawh hian chu chu hriain tuna an inzawm pawh hi lawmawm an ti hle.
Kum kal ta chhung khan WOW FC hi an thang nasa em em a, an event buatsaihah entu pawh 400% zetin an pung a, show an neih apiangin entu mi 5,000 chuang an pung khawm ziah bawk a. An event chu khawvel ram hrang hrang 170 vela en theihin a awm tawh a, combat sports-ah chuan thang chak berte zingah an tel pha a ni.
Ronaldo-a’n luhchilh WOW FC hi Spain-a inbun an ni a, an rama MMA league lian ber a ni mek a ni.