Aizawl: MRB Branch 106-na, Phura Branch chu Thawhlehni khan Saibal Kanti Roy, General Manager (Business) chuan Arjun Jaishi, Regional Manager, MRB Lunglei Region leh mi pawimawh hrang hrangte hriatpuinain Phura, Siaha District-ah a hawng.
Hawnna inkhawmah Saibal Kanti Roy chuan Mizoram Rural Bank chu September 27, 1983-a din a nih atanga hma a sawn dante leh kum 50 tlin hmaa branch 106 ngawt hawn a ni theite chu ropui a tih thu sawiin, Phura leh a chhehvela mipuite chu hmasawnna an neih theih nana bank branch hawn thar chu chhawr tangkai turin a chah.
General Manager chuan sorkar laipui scheme hrang hrangte tihhlawhtlinna leh financial inclusion atana MRB-in theihtawp a chhuah thin thu mipui kalkhawmte hnenah a sawi bawk.