Kum 38 mi zaithiam chuan December ni 1 khan London-a 2025 Fashion Awards neihnaah red carpet zawhin, a tumkhat nan vantlang hmaah a naupai lang thei ngei turin thla a la.
Ellie Goulding hi a kawppui thar Beau Minniear nena an fa hmasa ber tur a pai mek tih a hriat theih a, a hmain a kawppui hmasa lakah fa pakhat a lo nei tawh bawk.
A pasal hlui Caspar Jopling nen fapa Arthur, kum 4 leh a chanve mi nei mekin, an inthen hnuah thuneihna inang hmangin an enkawl a ni.
‘Love Me Like You Do’ singer leh kum 28 mi Minniear te hi September thla khan vantlang hmuh theih turin a tumkhat nan an inzui tan a, July thla vel atanga inkawp tan nia sawi an ni bawk.
Goulding leh a pasal then tak Jopling te hi kum 4 chuang an inneih hnuah February 2024 khan an inthen a, tuna a kawppui thar nena an fa tur a pai leh takah chuan a IG lamah zaithiam chuan, “Ka thawnthute chu theihnghilhin, hmalam pan turin ka intichak sauh sauh thin. Casper nen pawh thiantha tak kan la ni reng a, kan fapa tan theihtawp kan la chhuah dun zel dawn a, ka duhzawng anga ka awm theih nan zalenna min pe hram hram ula, kan duhna lam hawia kan kalte hi min zahsak hram hram ula ka ti,” tiin fans te a chah.