Lengpui Airport thlawhna tum kawng siam that mek chu MLA pathum – Lalfamkima, Deputy Speaker; Er. H. Ginzalala, Adviser to CM (Technical) leh T. Lalhlimpuia, MLA ten Thawhlehni zan khan an tlawh.
ZPM thuchhuahin a tar lan danin thlawhna tum kawng siam that mek hi SASCI 2025-2026 Part-I AA hnuaiah ‘Upgradation of Lengpui Airport (Upgradation of Runway to PCN 50)’ tih a ni a, hnathawh nan Rs vbc 91 dah a ni a. November 10, 2025 khan Brahma Infratech, Rajasthan-in thawk tanin April, 2026-ah thawh zawh tum a ni.
Tum kawng siam that hna hi chhuna a thawh theih loh va, zan khatah a sq m 2,500-2,800 an thawk hman a. |um dang ang lovin technology sang zawk, German company siam milling machine-in 150 mm thickness-in mill chhuah a ni dawn a, 170 mm-a chhah tur a ni a. Chhuna thlawhna a tum theih nan zingah PWD-in quality test an nei ziah a, Air Traffic Controller-in a pawmpui leh a ngai a ni.
Lengpui Airport runway siam that hnuhnung ber khan 36 PCN-in kum 2020-a siam a ni a, tunah hian 50 PCN chung turin siam a ni a, thlawhna lian zawk pawh tum thei tura beisei a ni.
MLA pathumte hian thlawhtheihna tum kawng a that loh chuan Mizo mipui zin veivak bakah state pawn atanga khualzinten harsatna an tawh thin thu an sawi a. An hnathawh tawh leh thawh mekte enin a tha thawkhat hlea an hriat thu leh mipui beisei ang ngeiin tha zawk an nei tur chu hnathawktu leh a viltu Mizoram PWD chungah lawmthu an sawi.