Aizawl: Social Welfare Minister Lalrinpuii hovin Nilaini khan khawvel puma ‘Rualbanlote Ni’ hman a ni.
Social Welfare, Women & Child Development Department leh SELCO Foundation bakah ALIMCO leh NILD-te tangho huaihawta International Day of Persons with Disability chu Dawrpui Multi-purpose Hall-a hman a ni a. Khuallian chuan eng hmasawnna pawh, huapzau lo chu a khingbai tih sawiin, sorkar pawhin vantlang hmunte chu rualbanlote pawh awlsam zawka an chet ve theihna tura a ruahman zel thu a sawi.
Khualzahawm Vanlaldiki Sailo, Mizoram State Commissioner for PWDs; Lalnunhlua, Addl. Secy, Social Welfare, Women & Child Development; Lalkhawngaihi Renthlei, Asst. Director, CEO, SMPD, Directorate of Ayoush leh Sarju Moirangthem, Officer I/C, NILD, Regional Centre ten thu an sawi bawk.