Lai Autonomous District Council (LADC) inthlanpuiah tluang taka vote thlak zawh fel a ni a. Inthlanpuia dury-te pawhin Ningani zing khan Lawngtlai an thleng.
Nilainia LADC inthlanpuiah zing dar 7 atanga tlai dar 4 thleng vote thlak a ni a. Vote hi Polling Station 111-ah EVM hmanga thlak a ni.
LADC inthlanpuiah hian vote 56,873 awmin, EVM-a vote tla zawng zawng hi 47,769 a ni a, za zelah 83.99 a tla a ni.
LADC-MDC inthlanpui 2025-a duty-te chuan vote thlak hun khar tawh hnuah, Lawngtlai an pan khawm a. Govt. Lawngtlai College-ah lo hmuah a ni a, nimin zing dar 4:05 khan an thleng kim vek a ni.
Tar lan tawh thin angin, tun tum LADC inthlanpuiah hian candidate 80 awmin, ZPM chuan bial awm zawng zawng bial 25 an chuh kim a. MNF-in bial 20-ah candidate neiin, Congress-in bial 14-ah candidate an nei a, BJP-in bial 10 candidate neiin, Independent-a chuh mi 11 an awm bawk.