Aizawl: Chief Minister Lalduhoma chuan Chief Minister Rubber Mission hnuaiah kum nga chhungin ram hectare 11,500-a zauah rubber chin khah vek tum a ni tih a sawi.
Chief minister hian Thawhtanni khan Chuhvel rubber chingtuten an pawisa dawn an thawh khawm Rs nuai 18.9 vel senga an huan panna kawng an laih a hawng a. Department-in a chhinchhiah danin Mizoram hmun hrang hrangah ram hectare 50,000-a zauah rubber a chin theih a, tun dinhmunah a chinna tlaka ngaih hmun thuma thena hmun khatah pawh an la ching lo tih a sawi.
Lalduhoma chuan ZPM-in an sorkar hnuah rubber chinna kawnga hmasawnna turin theihtawp an chhuah tih a sawi a. Tripura-in CM Rubber Missions an kalpui dan an zir chiang a, nikum December 16 khan Mizoram Chief Minister Rubber Missions an hawng a. An hawn niah hna thawh tanna tur Rs. vbc 27.98 sanction-na lehkha chu NABARD atangin an dawng nghal tih a sawi. He mission hnuaiah hian kum nga chhungin ram hectare 11,500 a zauah rubber chin vek an tum dawn tih a sawi.
Rubber chin chu tlangram lo neih bansana eizawnna ngelnghet neih nan a tha tih sawiin chief minister chuan, “Ramngaw chereu zel tur ven nan te, lei chung hang luang ral tur ven nan leh tuihna humhalhna atan pawh a tangkai hle tura ngaih a ni,” a ti.
Chuhvel rubber chingtute zau panna kawng hawnna inkhawmah hian Land Resources, Soil & Water Conservation Minister Lalthansanga chu khualzahawm niin thu a sawi a. Bialtu MLA Lalfamkima, Dy. Speaker pawhin chief minister hi a tawiawm a ni.Aizawl: Chief Minister Lalduhoma chuan Chief Minister Rubber Mission hnuaiah kum nga chhungin ram hectare 11,500-a zauah rubber chin khah vek tum a ni tih a sawi.
Chief minister hian Thawhtanni khan Chuhvel rubber chingtuten an pawisa dawn an thawh khawm Rs nuai 18.9 vel senga an huan panna kawng an laih a hawng a. Department-in a chhinchhiah danin Mizoram hmun hrang hrangah ram hectare 50,000-a zauah rubber a chin theih a, tun dinhmunah a chinna tlaka ngaih hmun thuma thena hmun khatah pawh an la ching lo tih a sawi.
Lalduhoma chuan ZPM-in an sorkar hnuah rubber chinna kawnga hmasawnna turin theihtawp an chhuah tih a sawi a. Tripura-in CM Rubber Missions an kalpui dan an zir chiang a, nikum December 16 khan Mizoram Chief Minister Rubber Missions an hawng a. An hawn niah hna thawh tanna tur Rs. vbc 27.98 sanction-na lehkha chu NABARD atangin an dawng nghal tih a sawi. He mission hnuaiah hian kum nga chhungin ram hectare 11,500 a zauah rubber chin vek an tum dawn tih a sawi.
Rubber chin chu tlangram lo neih bansana eizawnna ngelnghet neih nan a tha tih sawiin chief minister chuan, “Ramngaw chereu zel tur ven nan te, lei chung hang luang ral tur ven nan leh tuihna humhalhna atan pawh a tangkai hle tura ngaih a ni,” a ti.
Chuhvel rubber chingtute zau panna kawng hawnna inkhawmah hian Land Resources, Soil & Water Conservation Minister Lalthansanga chu khualzahawm niin thu a sawi a. Bialtu MLA Lalfamkima, Dy. Speaker pawhin chief minister hi a tawiawm a ni.