ZPM Media Chairman B. Lalchhanzova, Food Civil Supply & Consumer Affairs (FCS&CA) Minister chuan Thawhtanni khan ZPM sorkarin kum hnih a tling chiah tih sawiin kum hnih chhunga an sorkar department hrang hrang 35-te hnathawh leh hmalakna Aizawl Press Club-ah a puangzar.
FCS&CA minister chuan ZPM sorkarin kum hnih a tlinna chiah niin, an hmalaknate puanzarna hi neih tula an hriat avangin he hun hi hman a nih thu a sawi a. A department chan, FCS&CA chuan buhfai sem bâng tihral thin tihtawp a nih tak avangin kum khatah buhfai quintal 50,000, Rs vbc 20 man hu vel an hum thei tih a sawi.
Hetiang zat an hum theih avangin supply minister chuan open tender-a buhfai an lei thin chu thla thum vel lei ngai lovin an awm theih a rin thu a sawi a, tunah hian buhfai quintal 1,20,000 aia tam chhekkhawl an nei tih a sawi.
Ration card siam rem chungchanga sawiin ZPM media chairman chuan, “Ration card siam rem hna thawh mek zel a ni a, dinhmun harsate chu party thliar lovin NFSA hnuaiah a tam thei ang ber dahluh tum a ni,” a ti a. Card var hmang thin mi harsate tana Mizoram sorkarin a siam card sen chu tunah hian mi 50,000-ten an hmang mek tawh a, mi 1,50,000-ten an hman theih turin hmalakna kalpui mek a nih thu a sawi.
Online-a ration card siam thar dil theihna pawh peih tep a nih thu a sawi a, hei hi Mizoram bik chauhin a hman a ni lo a, India ram pum intawm a nih avangin duh anga hmanhmawh theih a nih loh thu a sawi bawk.
B Lalchhanzova chuan retailer-te hlawh tihpun a nih thu pawh sawiin, card var-ah kg 1-ah duli an hlawh thin kha Re 1:50-in tihsan a nih thu a sawi a, card eng leh pawla kg 1-ah 2:50 an hlawh thinah Rs 3 an hlawh tawh tur thu a sawi bawk.
- Mizoram Universal Health Care Scheme (MUHCS) kalpui a nih atangin i.e. April 2025 atanga November 28, 2025 thlengin damlo mi 54261 te inenkawl nan Rs. Nuai 8405 pek chhuah tawh a ni.
- Flagship program, Hand Holding hnuaiah sawhthing qtl 338,35.82 lei niin, sorkar sum sen zat chu Rs. vbc 137.72 a ni.
- Hmunphiah qtl 48,602.29 lei niin, Rs. nuai 199.89 sen a ni.
- Buhhum qtl 1,473 lei a ni a, Rs. nuai 44.184 sen a ni.
- Aizawl khawpui lailia A.R. te Zokhawsangah insawnin, an hmun engemawzat chu Mizoram sawrkar kutah hlan a ni.
- Lokayukta-ah post hnawhkhah loh hnawhkhah a ni a, wing pathum- Establishment, Inquiry leh Prosecution te hnathawk theiin an awm ta.
- ACB chuan December 2023 – June 2025 chhungin case 35 a register hman a, mi 41 convict an ni tawh.
- Dan lova foreign kuhva tawlh man hi Rs. vbc 35.03 hu (tualchhung rate) a ni.
- May 2025 atang khan Mizoram Secretariat-ah e-office hman tan a ni.
- Thenzawla Peace City dinna tur MoHUA atangin Rs. vbc 10 hmuh a ni a, hma lak mek a ni.
- Kuthnathawktute thlai thar dahkhawm nan hmun hrang hrangah Collection Centre/Warehouse 21 sak tura ruahman zingah hmun 10 sak zawh tawh a ni.
- Revenue Earned Environmental/Forest Law hnuaiah dan phal loha thil ti te pawisa chawi atangin Rs. nuai 762.33 hmuh a ni.
- Kum 2024-25 chhungin chhungkua 5,339 hnathawh tur ruahman niin, ram tin 5,911-ah Silk pangang chaw chintir a ni a, Cocoon 622.07 MT thar chhuah a ni.
- Mizoram Engineering College-ah zirna tan vat a nih theih nan hma lak a ni a, um 2026- 27 session atanga zirna tan hman tum a ni.
- Ruang phurh nan September 2024 atanga July 2025 thlengin ruang 962 phurh nan Rs. nuai 95.72 sen a ni.
- September 2024 atangin Journalist Pension hlawh thla tin Rs. 8500 pek tan a ni.
- AMRUT 2.0 hnuaiah Aizawl thli paihna tur zone 7 tan siam mek a ni.