Kum 2026 atana Hnam Run hawnna leh mi thar lawm luhna hun chu nimina hmanah MNF President Zoramthanga chuan, “Pathianin MNF min hruai dan hi a mak a, underground hun atanga overground hnuah pawh ral vek theihna atangin min chhanchhuak thin,” a ti.
“Manganna hrang hrang kara kum 64 MNF hruai tawhtu Pathian chuan kawng laklawhah a kalsan lo ang,” a ti a, “Pathian vuan tlat ila, amahah i innghat tlat ang u,” tiin kalkhawmte a sawm.
MNF president chuan, “Party tam tak an ral tawh laiin MNF chu Mizoramah party ruhrel lian ber kan ni mek a. ‘Pathian leh kan ram tan’ tia kan din tlatna chu kan felnaah Pathianin a ruat a. In thlaphan dawn apiangin Pathian kan innghahna a ni tih hre reng turin MNF mipuite ka chah duh a ni,” a ti.
Zoramthanga chuan, “Pathian leh kan ram tan, kan tih hi thiltihin a zui tur a ni a. Isuan vana a lawn dawna a thusawi ‘kal ula thilsiam zawng zawng hnenah chanchin tha hril rawh u’ tih hi MNF-in kan tum ber a ni,” a ti.