Aizawl: Sports & Youth Services Minister Lalnghinglova Hmar chuan nimin khan sports association hruaitute hovin New Champhai Multipurpose Ground a tlawh.
Minister chuan he hmun hi nakin atana inkhelhna mual pawimawh tak a la ni dawn a, inelna sang tak tak khelhna tur a la ni dawn tih a sawi a. Champhai ta tur a nihna angin a enkawltu pawh Champhai an ni dawn a, tha taka lo enkawl turin a fuih.
Mizoram State Sports Council Secretary Henry C. Lalrawnkima chuan project chungchang tlem a sawi bawk a, a project hming hi ‘Construction of Artificial Turf (Football) at New Champhai, Champhai, Mizoram’ tih niin Pradhan Mantri Jan Vikas Karyakram (PMJVK) hnuaia project a ni a. Project cost hi Rs. vaibelchhe 12.01 a ni a, a thawktu hi open tender-a thlan tur niin Ningani hian hawn tan a ni dawn a. Rainwater harvesting tih theihna tur ruahman a ni bawk ang.