Social media lama inlan tam lo ve tak bollywood changtunute zinga mi Kareena Kapoor chuan tunhnai khan chawlh an hmanna hrang hrang thlalak hrang hrang a rawn dah chhuak ve nual.
Heng a thlalakahte hian an chhungkuaa chawlh an hmanna hlimawm tak tak dahin, a pasal Saif Ali Khan nena an fate pahnih Taimur Ali Khan leh Jehangir Ali Khan te nena an thlalak a dah hlawm a ni.
A instagram lamah a fate tana nu tha ni tura a beih dan leh a theihtawp a chhuah dan hrang hrangte post kur ve nguaiin, a fate chu a hnathawh chhan an nih thute a ziak ve luam bawk.
Kumthar vuakvetah khan Kareena leh Saif te chuan an chhungkaw hun hmanna hrang hrang social media lamah an dah nasa dun hle a, kum 2025 kha an chhungkaw tan chuan kum harsa leh khirh tak nimahse, theihtawp chhuahin an hmachhawn a, an tawngtai fo thin thu leh tun hun thleng thei ta an nih thu an sawi ve ve a ni.
Kareena hian film lamah pawh hmachhawp nei mekin, Daarya tih chu a chang mek a, kumin kumtawp lama tihchhuah hman beisei a ni.